Obetkassa

  • Au spontani Bsuacher sind herzlich willkomma. Z Ticket kama bequem vor Ort lösa wemer nid usverkauft sind.
  • Food

  • D Verpflegig kasch während dr Vorstellig bequem über üsi Website bstella.
  • Z Menü wird kurz vor Filmbeginn uf dr Website ersichtlich.
  • Du kasch jederziit bstella. Vorem Film, während am Film oder ir Pausa. Das isch doch mol a ganz neus Feeling!
  • Dini Bstellig bringemer diar direkt ins Auto. Bi üs muasch nur ufstoh zum ufs WC goh.
  • Bild & Ton

  • Dr Ton vom Film empfangsch direkt mit dim Autoradio. Uf dim Ticket stoht d Frequenz und z Istella funktioniart glich, wia wenn a neua Radiosender suachsch.
  • Au moderni DAB+ Radios könd das UKW Signal no empfanga.
  • Gnüss dr Film ufra 16x8 Meter grossa Liinwand.
  • D Uffüahriga findend bi jeder Witterig statt und iar blibend im Auto au schön trocha. Nur starka Wind macht üs z schaffa, det würender aber im Vorfeld informiart werda.
  • Batterie

  • Sötti dini Autobatterie nid duraheba, gebemer diar kostalosi Starthilf mit üsna Booster-Packs vor Garage Mutti.
  • As lohnt sich, wenn di mit dinem Autoradio im Vorfeld usanand setzisch bezüglich Standby Modus.
  • Sanitäri Alaga

  • An jedem Standort hemer WCs. Bitte folg dr Markiarig und halt dr izeichnet Sicherheitsabstand i.
  • Vor da WCs hets au Desinfektionsmittel für dini Händ. Bitte bruch das, bevor innagohsch.
  • Miar bittend di, a Schutzmaska z trega wenn z Auto verlohsch.
  • Nid vergessa: Händ wescha. Soviel wias goht.
  • Autogrössi

  • Damit alli a super Sicht uf üsi Grosslinwand hend, tüamer vor Ort d Autos dr Grössi no platziara. Dia klina und flacha kömmend ganz vora, dia grossa und hocha hina.